ഇടയ്ക്കു ഇടറുമ്പോള്‍ താങ്ങായി ചില വാക്കുകള്‍
എല്ലാരും പോകുമ്പോള്‍ തുണയായി ചില വാക്കുകള്‍
മറവിയില്‍ മായാന്‍ വിടാതെ ഓര്‍മ്മപ്പെടുത്തലായ് മറു വാക്കുകള്‍
ദൂരത്തെ താണ്ടി കാതങ്ങള്‍ കടനെത്തും ചില വാക്കുകള്‍
നൊമ്പരം പേറുന്ന വാക്കുകള്‍
ചുട്ടു പൊള്ളിക്കുന്ന വാക്കുകള്‍
കുറ്റപ്പെടുത്തുന്ന വാക്കുകള്‍
ഒറ്റപ്പെടുത്തുന്ന വാക്കുകള്‍
മഞ്ഞു പെയ്യിക്കുന്ന വാക്കുകള്‍
സൗഹൃദം പേറുന്ന വാക്കുകള്‍
പ്രണയം തുളുമ്പുന്ന വാക്കുകള്‍
പരിഭാവമായെത്തും വാക്കുകള്‍
ആരോപണമായും വാക്കുകള്‍
ശിക്ഷാ വിധിയായി വാക്കുകള്‍
ആവശ്യ രൂപേണ വാക്കുകള്‍
ആര്‍ദ്രത പേറുന്ന വാക്കുകള്‍
യാത്രാ മൊഴിയായ വാക്കുകള്‍
വാക്കുകള്‍ എന്നോട് ചോദിച്ചു
നിനക്കേതു വാക്കാണിതില്‍ ഏറെ ഇഷ്ടം?
No comments:
Post a Comment