നെരിപ്പോട്

അശാന്തിയുടെ ശരശയ്യ..
നിശാഗന്ധി വിടരാന്‍ മറന്നു,
രാപ്പാടിക്ക് താളം പിഴക്കുന്നു,
തിര തീരത്തെ മറക്കുന്നു,
നിദ്രാദേവത തടവറയില്‍ .
നിലാവ് സാക്ഷി പറയില്ല;
വഴിവിളക്കിന് വഴിതെറ്റുന്നു!,
ചൂണ്ടുപലക വിരല്‍ മടക്കുന്നു..
കാറ്റിന്‍റെ കയ്യില്‍ നഖമുന

സംഗമം തേടുന്ന സമാന്തരങ്ങള്‍

നെറിവില്ലാ ഹൃദയം കുമ്പസാരിക്കുന്നു

നന്മയുടെ അവസാനകണം ഈ

പുല്‍ക്കൊടിത്തുമ്പിനെ പുണര്‍ന്നു നിന്നെങ്കില്‍....!!!