ഇന്നലെകള് പഠിപ്പിച്ചത്
ഇന്നുകളെ കുറിച്ചല്ല,
എന്നെക്കുറിച്ചല്ല,
നിന്നെക്കുറിച്ചല്ല,
നമ്മെക്കുറിച്ചുമല്ല.
പഠിക്കാന് മറന്നുപോയ
ഗൃഹപാഠങ്ങളില്,
വഴിയെഴുതാതെ ചെയ്ത
ഗണിതങ്ങളുടെ,
ശിഷ്ടങ്ങളെക്കുറിച്ച്.
അവയ്ക്കിടയിലെ
അക്ഷരത്തെറ്റുകളെക്കുറിച്ച്,
മന:പാഠമാക്കാന് തന്ന
കവിതയുടെ
പൊരുളറിയാതെ
ചൊല്ലിത്തിമിര്ത്ത്
പ്രാണന് കളഞ്ഞ്
വിരൂപമാക്കിയതിന്
ഇതാണു ശിക്ഷ
പത്ത് വട്ടം പകര്ത്തെഴുത്ത്;
എഴുതുമ്പോള് ഉച്ചത്തില് ചൊല്ലിയെഴുതണം.