ചക്കരയുമ്മ തരുമായിരുന്ന മുത്തശ്ശന് പോയപ്പോള്
കൂടെ തെക്കോട്ട് പോയി
ചക്കരമാമ്പഴം പൊഴിച്ച്നിന്ന തേന്മാവ്
അടിവാരം തോണ്ടിയപ്പോള് അടിവേര് കണ്ടതിനാല്
പിഴുതെറിയപ്പെട്ടു ചില ഇളനീര് സ്മരണകള്
മുറ്റത്തെ ആഞ്ഞിലി കട്ടിളവെപ്പിന് ദിനം സ്ഥാനമേറ്റു
തേനൂറും വരിക്കച്ചുള നല്കിയ പ്ലാവിന് കാതല്
പുതിയവീടിന് പ്രധാന കവാടത്തിനു കാവലാളായ്
ഇരിപ്പിടമൊരുക്കി സ്വീകരണ മുറിയില്
തൊടിയില് തളിരിട്ടു നിന്ന പൂവരശു...
അങ്ങനെ അറുത്തുമാറ്റി ഞാനെന് പൈതൃകത്തിന്
കടവേരുകള് ....
വരണം നിങ്ങളും നവഗൃഹപ്രവേശന നാളില് ...
